Sunday, September 23, 2007

തന്നാല്‍...

മഞ്ഞണിഞ്ഞ ഒരു പൂവ്...
ചിമ്മാത്ത ഒരു നക്ഷത്രം...
വെറുക്കാത്ത ഒരു വാക്ക്...
കയ്ക്കാത്ത ഒരു പാല്‍ത്തുള്ളി...
മുറിയാത്ത ഒരു ഞരമ്പ്...
വീഴാത്ത ഒരു കണ്ണീര്‍...
വിശക്കാത്ത ഒരു വയര്‍...
മായാത്ത ഒരു പുഞ്ചിരി...
കാണാത്ത ഒരു സ്വപ്നം...

ഞാനൊരു കുഞ്ഞിനെ തരാം.

Wednesday, September 5, 2007

എന്റെ മഹാകാവ്യം..

പട്ടിണി കിടന്ന്
നെഞ്ചെരിഞ്ഞപ്പോള്‍
ചുണ്ടുകള്‍ അകറ്റി
അവള്‍ വിതുമ്പി.
ആരും വന്നില്ല.
ഭക്ഷണവും.

പട്ടിണി കിടന്ന്
കണ്ണില്‍ ഇരുട്ടേറിയപ്പോള്‍
കാലുകള്‍ അകറ്റി
അവള്‍ ചിരിച്ചു.
ആരൊക്കെയോ വന്നു.
ഭക്ഷണവും.